‘’சார் ஒரு ரிக்வஸ்ட். இவரு இந்த ஒரு நாள் மட்டும் இங்கே தங்கிக்கட்டுமா? இவரோட ரூம்ல திடீர்னு பியூஸ் போயிடிச்சி. எலெக்ட்ரிசியனை காலைல தான் கூப்பிட முடியும். நல்ல மள பார்த்திகளா? கீழே விகெ புரத்தில இருந்து தான் வரணும்.’’ நான் அந்த நபரைப் பார்த்தேன். நல்ல சிகப்பாக, உடம்புக்குப் பொருத்தமில்லாத சற்றே சிறிய முகத்தோடு, அந்தச் சிறிய முகத்துக்குப் பொருந்தாத சற்றே பெரிய தும்பு மீசையோடு இருந்தார். ‘’நான் டாக்டர் ராமேந்திரன். திருநெல்வேலி மெடிக்கல் காலேஜில […]
இன்று வாக்கிங் போகவில்லை. குழந்தைக்கு உடம்பு சரியில்லை. மத்தியானத்திலிருந்து என்னமோ மாதிரியிருக்கிறான். பெரிய பையனுக்கு வந்ததைப் போலவே மாந்தமாம். அள்ளுமாந்தம், வயிற்றைத் தூக்கித் தூக்கிப் போடுகிறது. மனசு திகிலாயிருக்கிறது. அள்ளுமாந்தம் பரம்பரை வியாதியில்லையே, ஒரு குழந்தைக்கு வந்த மாதிரியே ஏன் இந்தக் குழந்தைக்கும் வரவேண்டும்? பழைய பயம், என்ன சோதனை… இதுக்கு இங்கிலீஷ் வைத்தியம் கிடையாதாமே… நாட்டு வைத்தியர்தான் வந்தார். எதுவோ கொஞ்சம் சூரணம் உள்ளுக்கு கொடுத்தாகிவிட்டது. வசம்பு சுட்டு இழைத்து, தொப்புளைச் சுற்றித் தடவியாகி விட்டது. […]
1 நான் ஜிம்பல் என்கிற முட்டாள். நான் என்னை முட்டாள் என்று நினைக்கவில்லை. ஆனால் மற்றவர்கள் அப்படித்தான் என்னை அழைக்கிறார்கள். நான் பள்ளியில் இருந்த காலத்திலேயே அந்தப் பெயர் என்னை வந்தடைந்தது. மொத்தமாக எனக்கு ஏழு பெயர்கள் இருந்தன: அறிவற்றவன், கழுதை, ஆளித் தலையன், மடையன், சிடுமூஞ்சி, மூடன், அப்புறம் முட்டாள். இதில் கடைசிப் பெயர் நிலைத்துவிட்டது. என் முட்டாள்தனத்தில் என்னவெல்லாம் அடங்கியிருந்தது? என்னை எளிதாக ஏமாற்றிவிட முடியும். அவர்கள், “ஜிம்பல் உனக்குத் தெரியுமா? மத குருவின் […]
உன் கைகளில் நீ அள்ளிக் கொள்வதற்கென்றே மீன்கள் கரையொதுங்கும் கடற்கரையைப் பற்றிய கனவொன்று நீண்ட காலமாக உன்னுள் இருந்தது. அவையனைத்தையும் உனக்கொரு பாதுகாப்பான பிரயாணத்தையையும் உன் வருகைக்குப் பின் முறையான குடியுரிமைப் பத்திரங்களையும் ஏற்பாடு செய்வதாக அவன் வாக்குறுதி அளித்திருந்தான். உன் வீட்டிற்கு அனுப்புமளவு ஒரு நல்ல தொகையை வருமானமாக ஈட்டப் போகிறாய் எனவும் கூறினான். நீ கனவு கண்டாய்.. அதில் வாழ்ந்திருந்தாய், அதை நனவாக்கத் தயாராக இருந்தாய். ஜெனீவா, எண் 10, நேவிகேஷன் தெருவில் இருக்கும் […]
அந்த ஜூன் 27-ஆம் நாளின் காலை தெளிவாகவும் ஒளிபடர்ந்தும் முழுநீள கோடைக்கால நாளொன்றின் புத்தம்புதிய கதகதப்பையும் கொண்டிருந்தது. எங்கு பார்த்தாலும் பூக்கள் பூத்துக் குலுங்கின, புல் செழிப்பான அடர்ந்த பச்சை நிறத்திலிருந்தது. சுமார் பத்து மணியிருக்கும். தபால் நிலையத்துக்கும் வங்கிக்கும் இடையே இருந்த சதுக்கத்தில் கிராமத்து மக்கள் கூட ஆரம்பித்தனர். சில ஊர்களில் மக்கள்தொகை அதிகமாக இருந்ததால் லாட்டரியை நடத்தி முடிக்க இரண்டு நாட்களானது என்பதால் ஜூன் 26-ஆம் தேதியே தொடங்கப்பட்டது. இந்தக் கிராமத்தில் வெறும் முந்நூறு […]
சார்ல்ஸ் தாமஸ் சாமுவெல்ஸ் (Charles Thomas Samuels) நடத்திய நேர்காணல். சாமுவெல்ஸ்: டி சிகா, நீங்கள் சவாட்டினியுடன் இணைந்து திரைப்படங்களை உருவாக்குவது என்ற முடிவை எடுக்கக் காரணம் என்ன? டி சிகா: ‘ப்ரிகோ’ என்ற நாவலைப் படமாக்கும் திட்டத்துடன் அவரைச் சந்தித்தேன். அதற்கு முன் மிலான் நகரில் அவரைச் சந்தித்தபோதே அவருடன் சேர்ந்து பணியாற்ற விருப்பம் கொண்டிருந்தேன். அவர் எழுத்து மீது எனக்கு மிகுந்த மரியாதை உண்டு. நாங்கள் இருவரும் இணைந்து உருவாக்கிய ‘The Children Are […]
நாம் திரைப்படங்கள் பார்க்கும் போது நம்மைப் பெரும்பாலும் கவர்வது காட்சிகள் தான் இல்லையா? தமிழ்நாட்டில், “ஒளிப்பதிவு கண்ணுக்குக் குளுமையாக இருந்தது” என்று அறிவிக்கும் ஆனந்த விகடன் விமர்சனம் முதல் ஒளிப்பதிவாளர்கள் அளிக்கும் பேட்டிகள் வரை ஒளிப்பதிவு பரவலாகப் பேசுவப்படுவதைக் காணலாம். ஆனால் ஒரு திரைப்படத்தின் ஒலியைப் பற்றி வெகு சிலரே பேசுகிறார்கள். புகழ்பெற்ற ஹாலிவுட் திரைப்பட இயக்குனர் ஃபிரான்சிஸ் கோப்போலா, “ஒலி ஒரு திரைப்படத்தின் ஐம்பது சதவிகித வேலையைச் செய்துவிடும்” என்கிறார். பல திரைப்பட மேதைகள் தங்கள் படங்களில் […]
வைக்கம் போராட்டம் நடந்து தொண்ணூற்று ஐந்து வருடங்கள் ஓடிவிட்டன. இருந்தாலும், இன்றுவரை அப்போராட்டத்தின் பல்வேறு பரிமாணங்களை விளக்கும் நூல்கள் எழுதப்படுகின்றன. தமிழகத்தைப் பொறுத்தவரை வைக்கம் போராட்டத்தில் ஈவெராவின் பங்கு என்ன என்பதை குறித்த விவாதங்கள் கடந்த பத்து வருடங்களாக உயிர்ப்புடன் நடந்து வருகின்றன. இதுதவிர, காந்தி வைக்கம் போராட்டத்தை வடிவமைத்த விதம் என்பது இன்றைய சமூகப் போராளிகள் பலரும் நினைவில் கொள்ள வேண்டிய பாடமாக உள்ளது. உதாரணத்திற்கு, அவர் இப்போராட்டத்திற்கு பிற மதத்தவர் நிதி தர முயன்ற போது […]
கடந்த காலங்களில் ரமணிசந்திரன் எழுத்துகள் பற்றி நான் சமூக வலைதளங்களில் விமர்சனக் கருத்துகள் சொல்லி கடுமையான எதிர்ப்புகளைச் சந்தித்து இருக்கிறேன். அவரது வாசக பலம் அப்படி. கிட்டத்தட்ட ஒரு தற்கொலைப் படை மாதிரியான விசுவாசமான வாசகிகள் திரள். நான் முன்வைத்த கருத்துகள் பெரும்பான்மை பகடியானவை என்பதால் இது பற்றிய என் எண்ணங்களைக் கொஞ்சம் சீரியஸாக எழுதிப் பார்க்கலாம் எனத் தோன்றியது. அவ்வகையில் இது ஒரு சுயபரிசீலனை. ரமணிசந்திரன் 1970லிருந்து எழுதிக் கொண்டிருக்கிறார். படைப்புலகில் அவருக்கு இது பொன்விழா […]
‘ஒங்க ரோசா மாமி செஞ்ச காரியத்தை கேள்விப்பட்டீங்களா?’ நஜ்மா துணி மடித்துக் கொண்டிருந்தாள்.. நான் அப்போது தான் ஷூவை சுழற்றிக் கொண்டிருந்தேன். யாசிர் ஏற்கனவே ஃபோன் பண்ணியிருந்தான். எனக்கு ஏற்பட்டது அதிர்ச்சியெல்லாம் இல்லை. மனதின் இன்னொரு திறப்புதான். ஒவ்வொரு கதவாகத் திறந்து திறந்து கடைசியில் கதவே இல்லாத வெட்டவெளிக்குக் போய் நிற்பதுதானே வாழ்க்கை? ‘ம்…’ ‘என்ன அசால்டா ‘ம்’ ங்றீங்க.. எனக்கு கை காலெல்லாம் நடுங்கிருச்சு. அல்லா..! இந்த வயசுலயா? அப்படி என்ன உடம்பு சுகம் கேக்குது? […]
எல்லாம் எதிர்பாராததாய் இருந்தது. அவர்கள் திகைப்படைந்தனர். அவர்கள் வெடுக்கென பாடையைக் கீழே வைத்துவிட்டு, சடலத்தை வெறித்துப் பார்த்தனர், பிறகு, கலங்கிய விழிகளால் இலட்சம் கேள்விகளுடன் ஒருவரையொருவர் பார்த்துக் கொண்டனர். அவர்களது விழிமணிகள், கொஞ்ச நேரத்திற்குத் தங்கள் குழிகளுக்குள் அர்த்தமின்றி அங்குமிங்கும் நகர்ந்தன, அவை நின்ற பிறகு இருவரும் தமது புரிதலின்மையை வெளிப்படுத்தும் விதமாக தோள்பட்டையை குலுக்கிக் கொண்டனர். பிறகு, ஒரே சமயத்தில், தங்களது கழுத்துகளுக்கு வலியேற்படும் அளவிற்கு முகப்பழிப்புச் செய்து கொண்டே, தமது பார்வையை பார்ஸி இடுகாட்டில் […]
மண்ணுக்கும் பெண்ணுக்குமான இச்சையே மனித வாழ்வைச் செலுத்தும் இரு புள்ளிகள். பிற உயிர்களைப் போல இயற்கையின் ஒரு பகுதியாக இருந்த மனிதன் தன்னைக் கட்டுப்படுத்திய எல்லைகளை அறிவின் திறத்தால் கடந்து வெகுதூரம் வந்துவிட்ட போதிலும் ஆதாரமான அந்த இரண்டு விசைகளில் எந்த மாற்றமும் ஏற்பட்டுவிடவில்லை. உண்மையில் அவ்விரு விசைகளே இத்தனை தொலைவு அவனைச் செலுத்திக்கொண்டு வந்துள்ளன. இன்றைய மனித வாழ்வின் அனைத்து சாதனைகளையும் முன்னேற்றங்களையும் நவீன அடையாளங்களையும் பகுத்துக்கொண்டே சென்றால் அவற்றின் ஆழத்தில் எஞ்சி நிற்பது இந்த […]